Chibynta ka dak i kynmoo warom ya ka lyngkhooh snem yap wa 159 U Kiang Nangbah, khlawait ka Ri 12 Dolloi ka wow man ha ka 30 tarik Kmaichonglad 2021. Ka Jaintia Iasiat Khnam Kiang Nangbah Memorial Society (KILMS), Jowai wa ka Khynroo Khyllood Committee (KKC) Seinraij Jowai ha ka sngi Muchai 26 tarik Kmiachonglad da pynman ki ya ka yakob Siat Thong ha madan Madiah Kmaiblai kawa man kawi na ki thaw em naam em parom yong u Kiang Nangbah.
Ka thong yong i pynman ya kani ka Yakob Siat Thong toh chibynta u man ka dak i kynmoo warom ya U Kiang Nangbah wei wow pynim hei sñiaw ki khon ka ri ya ka Yasiat Thong kawa man kawi na i kaam iwa u Kiang Nangbah ka-it bha u wow pynwyrngia heipor khynnah yong oo.
Ka Khynroo khyllood Committee, Seinraij Jowai da pynman ko ya kani ka yakob ha ki ar bynta kawi toh ka yakob siat yong samen wa kawi wan toh ka yakop siat thong yong lok katwa ka Jaintia Iasiat Khnam Kiang Nangbah Memorial Society won da pynman ko ya kani ka yakob ha ki le bynta- ka yakob siat thong yong samen, yonglok wa kawi won kyrpang ya ki khynnah wei ya kiwa jop ha kini ki yakob Siat Thong neiliang kini ki ar sein daw e da ka poisa ha ka 30 tarik.
