Ka skur PM Shri JNV Mukhla, West Jaiñtia Hills District ha ka 14 tarik da pynman ko da ka “Bal Sansad” namo ka Youth Parliament neibynta ki khynnah skur kiwa da pynyoo yei sap rukom e ñia iwa man kam hapoh ka yung dorbar chna aiñ ka ri deiwa em nadooh ka Speaker, ka liang synchaar wa ka liang pyrchah.
Kani ka Youth Parliament toh ka luti kam chibynta ka PM Shri Saimed yow pynyaar yei tip i chemphang ki khynnah skur yei rukom pynlai ya ka synchaar khadar paidbah (Indian Parliamentary System).
Ya kani ka “Bal Sansad” da sdang heipor 10:00 waje i step hadooh 12:00 waje i sngi, wei u Wailadmiki Shylla, MLA ka Jowai constituency da man u kam u kongsan, hei emlang u S.K. Lato, Vice President Rotary Club Jowai kamjooh u President ka Jaiñtia Tourism and Environment Society (JTES), u Pynshai Shylla, Waheh Chnong ka Mukhla Umlangshor wa kiwi.
Neiliang u Neeraj Kumar, Principal JNV, Mukhla West Jaiñtia Hills District da pynsñiaw u i sñiawkmen wow yoh pynman kam kani ka “Bal Sansad” neibhah wa wai laad ko ya ki khynnah skur u sñiawthooh ki deiwa yoh laad u pynyoo kammon wa jia wa man hapoh Parliament.
Discussion about this post