Ka Socio Literary & Sports Association Committee yong ka Jingiaseng Samla Balang Presbyterian Mihmyntdu da pynman ko ya ka 16th Marathon ha ka 6 tarik kam chibynta ka lehkmen Youth Week & Youth Sunday 2025 hajrong ka phang – “U Jisu ka Nongrim Jong ka Jingim” – 1 Korinth 3:11.
Ha kani sngi da em ka yalang wa pynlai da u Chairman R.B. Kratic Susngi yong ka Committee hei emlang u Khroobok Passah, DSO kam u kongsan wa kiwi kiwa chah khut sñiawbha kam u Waheh Chnong u Abul Phawa, u Eki Chyrmang ryngkat ki Tymmen Wasan wa ki Rangbah Balang.
Da yoh i klam na u Khroobok uwa da sñiawngooh ya ka JSBPM wa pynman ko ya kam kani ka lehkmen kawa man chibynta wow wailaad ya kiwa chong chnong hi waroh kawi wei wow e mynsien ya kiwa em i sap ha ki yalehke.
Da ong u wa lyngba kam kini ki kaam, sdang ki khon ka chnong wow yoh mynsien wow chimbynta ha ki yaakm yalehke hadooh ka District, ka jylla wa ha ka ri.
Chooh chooh da e mynsien u ya ka JSBPM wow pteiñ ya kani ka Marathon khnang wow ye chooh ko wow yarap ya ki khon ka chnong wow mih ki chakhmat wow chimbynta chongchit ha kiwon kiwon ki yalehke.
Ha ka jooh ka sngi da saam leh ya ki khusnaam, ki Certificate wa ka Cash Prize cha kiwa jop ha ki ar kyrdan, ka Senior Boys & Girls wa ka Junior Boys & Girls.
Ha ka kyrdan Senior Boys wa yoh nyngkong toh u Wandame Kyndait, wa ar u Chantremi Shylla katwa heiwa le won u Bormi Kyndait.
Ha ka Senior Girls da jop ka Monlangki Kyndait, heiwa ar ka Mini Kyndait katwa heiwa le won ka Beauty Shylla.
Ha ka kyrdan Junior Boys da jop u Lurshai Phawa, heiwa ar u Honesty Phawa heiwa le won u Bih Chyrmang.
Ha ka Junior Girls da jop ka Ishka Kyndait, heiwa ar ka Haphi Siangshai katwa heiwa le won ka Sambun Kyndait.
Discussion about this post