Pynman ka JSM Southern Region ya ka yalang pynsñiawthooh yei kordor i puræ puthi ha chnong Rngat

Jowai: Ka Jaiñtia Students Movement (JSM) Southern Region da pynman ko ya ka yalang pynsñiawthooh paidbah ha kani ka 3 tarik ha chnong Rngat ha Sharatoh SSA LP School, East Jaiñtia Hills District hajrong ka phang ‘Wow Pynroi ya ka Puræ Puthi’.

Kam kani ka jait yalang da man ko ka sien wa nyngkong wa  pynman ka seiñ JSM Southern Region wei i thmu ko toh wow e myntoi ya kiwa chong chnong kani ka thaiñ. Yow pynchlur ya ki khynnah ka skrur da e sñiawbha cha waroh ki khynnah da u khulom, u Pencil wa ki Eraser. Ka seiñ da ong ko lada man i i e sñiawbha wa khian tangwa man i leh iwa kordor.

Ha kani ka yalang pynsñiawthooh yei emkaam ka puræ puthi da wan lang ki khynnah skur kamjooh ki ki bei ki pa yong ki.

U D. Lamare u Vice President (Central body), da ong u wa emkaam bha ka puræ puthi wei lada em leh ha i dooh i duk leh ym toh u wow khanglaad ko lada em hi ka mon wow yoh yei stat i tip khamtam cha ki thaiñ nongkyndong.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U Kyrmen Shylla uwa kam u kongsan ha katai ka sngi uwa man leh kam u kyrtong  MLA  ka UDP u wow yaleh ka Election 2018 na ka 6-Khliehriat, da yaroh u ya ka seiñ wa da ye ko u pynman ya kam kani ka yalang cha kani ka thaiñ kawa dang duna hei stat i tip. Da yooluti u wa na kani ka thaiñ daw mih ki wa yahkhmat jait bru yong i wow man kam ki IAS, MPS, Doctor ki Engineer wa kiwi kiwi.

U Deijuhhi Siangshai General Secretary ka JSM (Central Body), uwa klam hajrong ka phang ha kani ka yalang da kyntu u ya ki manbei manpa ki khynnah skur wow man ki kiwa nynkong wow pynchlur ya ki khon wow pyndep wei wow krehchitom ki ha ka puræ puthi, wei emkaam leh wow pyllai skur ki ya waroh ki khon yong ki kynthai wa chynrang.

Da ban joor u leh wa ymhoi u pyndam skur ya ki khon kynkhai neibhah ki toh kiwa ye u pynroi ya ka i nang i stat.