Jowai: Wow pteiñ ya ka Swachh Bharat Mission, ynne ka sngi ka Jowai Traffic Police da pynman ko yei pynhooid nadooh na Lad Reserve (Laad Nartiang) nadooh 08:30 hadooh 10:30 i step hei yakrehlang wa ka Jowai Municipal Board wa ki khynnah ka NSS – Kiang Nangbah Govt. College.
Ha kani ka sngi chwa wow sdang da yoh yei klam na u I/C ka NSS Kiang Nangbah Govt. College u M.Passah u Tynsong na ka yung krehkaam u DTO wa na u D.H. Pde I/C Jowai Traffic Branch uwa da khana ya ki kaam wa da leh ka JTP.
Ka phang yong kani ka sngi pynkhooid toh wow kyntait ya ki muna plastic namo ‘Let us pledge by saying No to plastic bags’ wa kawi tawon won ka phang toh wow pynneh yei khooid i jngiar ki luti syngkieñ kamwa da yah sdang u montri rangbah dooh ka ri, u Narendra Modi ha ka 2 Naichiphaw 2014 wow wanrah ya ka ri kawa khooid hapoh u snem 2019 kam chibynta yong i lehwarom yei dap 150 snem Mahatma Gandhi.
Ha kani ka sngi da saam leh ya ki tin noh-jhep da ka Jowai Traffic Police.
Discussion about this post