Jowai: Ka Jaiñtia Youth Development Society (JYDS) da pynman ki yaka yalehbol kawa tip kam ka Friendly Match hapyrdi ka Bosco Pnar pyrchah yaka (JYDS), ynnin ka 12 tarik.
Ha chwa wow sdang ka yalehke da em ka yalang wa pynlai da u Apmiki Papiah wei da yoh ya ki kyntien maitphang na u Pyndap Shadap, Chairman yong ka Society hajrong ki yurim yong ka Soceity wa iwa ka Society angnood ko wow kreh neibynta ka bha ka miat ha ka imlang sahlang.
U Brother Barnabas Khriem, Director yong Ka Bosco Pnar, hawa e yei klam da e u yei sneiñ i kyntu ya kiwa yalehke wa ym toh u em i mynsien wow pyn kulmar hawa yalehke wei toh u em i mynsien wa khooid wei wow em ka thong jop haka yalehke.
U President yong ka Society u Damanleki Lathong hawa e yei klam da pynsñiaw yei kmen wa kiwa yalehke da chimkhia ki wow embynta neibhah khlem em ki ym em yumut kani ka sngi wei ym poi ko cheiwon cheiwon leh.
U kongsan u Pyndap Muksor hawa e yei klam da pynsñiaw u leh wa oo jooh man u kam uwa yalehke Football nachwa wei da e mynsien u ya kiwa yalehke neibhah wa ka yalehke ym kut ko du ha ka yalehke tangwa em ko chiboon ki myntoi khamtam haka chait ka khiah, neibhah ka chait ka khiah man ko kawi naka spah bah kawa i ym ye i wow theid wei da e u leh yaki kyntien kyrkhu kyrdoh yaka Society wow nang ku ko cha khmat haki liang waroh.
Haka yalehke, ka Bosco Pnar da yoh ko wow pynkhih nyngkong yaka jaar lyngba u Sing Pala haka kylla miet yong ka yalehke, ka Jaiñtai Youth Development Society da yoh ko wow su kylliang chi kool haka kylla miet lyngba u Pynroi Rabon, tangwa ka Bosco Pnar da yoh biang ko wow thap kool kawa ar da u Seimonmiki Lapasam, yaka kool wa 3 da u Tynshainbor Dkhar wa yaka kool wa 4 da u Seimonmiki Lapasam.
Discussion about this post