Kamwa da leh ha waroh kawi ka ri wow pynneh pynsah ya i khooid i jngiar kam chibynta yong ka Gandhi Jayanti, ka Khynroo Khyllood Committee yong ka Kur Sookpoh Khadar Wyrnai ynnin ka 1 tarik da pynman ko ya i pynkhooid ya i yung ka kur iwa em ha Chiliangraij, Jowai.
Ha kani ka sngi da wan chimbynta wei da emlang leh ki Chairman wa ki Secretary ki Unit ka kur.
Ki Unit wa da wan chimbynta kynthup ki ya ka Chiliangraij, Khimmusniang, Chutwakhu, Iawmusiang, Ladthadlaboh, Tpep-Pale, Dulong, Panaliar, Loomiongkjam, Loompyrdi wa Loompyrdi Iongpiah.
Neiliang ki waheh ka kur da e khublei ki ya ka Khynroo Khyllood Committee wa da pynman ko ya ini i pynkhooid ya i yung kur.
