Jowai: Ka Khynroo Khyllood Committee (KKC) yong ka Seiñ Raij Jowai (SRJ) ha kani ka 19 tarik uni u bnai da pynman ko ya ka Career Guidance and Counselling hei yakrehlang wa ka yungkrehkaam u District Planning Officer, West Jaiñtia Hills.
Ya kani ka esikai da pynman ha Yungwalieh ka Dulong, Jowai.
Chwa wow sdang ka esikai da em ka yalang wa tbian kawa da pynlai da u Chairman ka KKC, u Ladwan Dkhar heiwa da emlang u President ka Seiñraij Jowai, u OR Challam katwa u S.C Laloo, Addl. DC WJH, uwa man leh kam u District Planning Officer WJH da man u kam u kongsan wei da yoh won ya ki kyntien ekhublei na u Secretary ka KKC, u Sienmi Lato.
Ha kani ka esikai da wan hadooh kamwa 200 ngut ki khynnah Class X wa ki khynnah Class XII kamjooh leh kiwa dang yang result SSLC.
Discussion about this post