Ka Internal Quality Assurance Cell (IQAC) ka Kiang Nangbah Government College, Jowai da dep ko wow pynman ya ka Webinar deiwa krehkaam lang wa ka National Centre for Financial Education (NCFE), kawa da pynchlur da ka RBI, SEBI, IRDAI wa PFRDA deiwa booh thong wow e sika heiyatoh wa ki kaam poisa poilaiñ namo ka Financial Education ha kylleiñ ka ri India neibynta yong waroh hajrong ka Financial Awareness and Consumer Training (FACT).
Ya kani ka Webinar da pynman ha ka 17 tarik uni u bnai nadooh 4:30 i janmiet hadooh 6:30 i janmiet. Ya ka Webinar da pynlai da u Dr. Sudipto Ghosh deilang wa u Dr. Jay Prakash Sharma, IQAC Coordinator.
Ya ka Webinar da sdang da ki kyntien pdiang sñiawbha na ka Dr. E.M. Blah, Principal K.N. Govt. College, Jowai.
Ha kani ka Financial Awareness and Consumer Training (FACT) da e sikai cha ki khynroo khyllood kiwa dang lai puræ, kamjooh ya kiwa sikai deilang wa ki wakreh hajrong ki phang wa yatoh wa kiwa emkaam ki hajrong ki kaam poisa poilaiñ.
U Dr. Sudipto Ghosh, NCFE u bru chemphang uwa na Mumbai da pynlai u ya kani ka Webinar kawa lai bait lyngba ka Webex wa ha YouTube Live Streaming.
Da jan em 500 ngut kiwa dang lai puræ, 45 ngut kiwa sikai wa 2 ngut ki wakreh kiwa da chimbynta ha kani ka Webinar kawa da yarap bha ya kiwa chimbynta waroh.
Ya ka Webinar da pynkut da ki kyntien e khublei na u Dr. Jay Prakash Sharma, IQAC Coordinator.
