Ka Library Advisory Committee ka Kiang Nangbah Government College (KNGC) da pynman ko yei e sikai namo ka Workshop wa chi sngi hajrong ka phang “Beyond Fake News: A One Day Workshop on Media Literacy and Fact Checking” ha ka 4 tarik uni u bnai.
Ha kani ka sngi da em 71 ngut kiwa wan chimbynta ha kani ka Workshop wa pynman hapoh ka College hi.
Ki bru chemphang ha kani ka sngi toh ka Dr. Karen L. Donoghue, Assistant Professor Department of Journalism and Mass Communication, North Eastern Hill University kawa da klam hajrong “Media literacy and the impact of new media and fake new” kawa da chimbynta lyngba ka Videoconference.
U Chanlang Ki Bareh, Assistant Librarian, Nagaland University da klam u yei emkaam wow pyntika ya ki khubor wa ym yoo tikna deiwa pynyoo kammon u leh yeini lyngba ki laad yarap wa em ha ka Internet.
I thong kani ka Workshop toh wow pynsñiawthooh ya kiwa boon ki kaam wa yatoh wa ka Digital Media wa kammon leh ktah ko yei e sikai wei wow sikai leh wa ya kiwa sikai ka College kammon wow leh yow lait nei chah ktah ha ki khubor thok.
