Pynman ka Kur Nongpluh Pyllun ya ka yachemlang wa ynñiaw ha Moodymmai

Ka Kur Nongpluh Pyllun kamwa jooh leh chisien ar snem, ha uni u snem leh da pynman ko ya ka yachemlang kawa ynñiaw namo ka General Meeting ha ka 29-03-25 ha chnong Moodymmai hapoh ka Moodymmai Unit.

Ha kani ka General Meeting da wan emlang ki khon ka Kur Nongpluh na kylleiñ ki chnong ki thaw wa kynthup nadooh Khasi wa Jaiñtia Hills kam na Shillong, Nongpoh, Mawryngkneng, Diengpasoh, Kharang, Jongsha, Mawkynrew, Nongjrong Nonghulew, Puriang wa kiwi.

Na Jaiñtia kam na Jowai, Mustem, Umladang, Maskut, Nartiang, kiwa haap cha ka thaaiñ Amlarem kam na Padu, Jarain, ki thaaiñ War cha East Jaiñtia kam na Kuliang, Umkiang wa kiwi.

Ya ka yachemlang da pynlai da u Rev. Mawshan Nongpluh, President ka kur na Bhoi, da pdiang burom wei e khublei u ya waroh ki kur wa da poi wa kamjooh leh ya ka Moodymmai Unit kawa da pdiang sñiawbha ya kani ka yachemlang.

Related posts

Da rah tarik ya ka General Meeting ka Kur Sana kawa daw pynman ha Jowai

May 7, 2025

Ym chah ya kiwa wan dai baam ha ka Chaad Sukra ka Seiñraij Chnong Tuber Kmaichnong

May 3, 2025

Neitæ hadien i klam pdiang na u Pyrkhatbha Nongpluh uwa na ka Moodymmai Unit da yoh yei klam kyntu kyrsu na ki 3 ngut ki waheh kur wa kynthup ya u Obeldon Nongpluh na Mawryngkneng uwa man leh u Adviser ka Kur Pyllun, i klam na u Rev. Ebormi Nongpluh na Jowai Unit wa na u Heimonlang Nongpluh uwa na Shillong.

Da pynchongchit chooh chooh ya kani ka yachemlang da i rwai i chaad na ki khon ka kur kam na ka Moodymmai Unit, Puriang Unit wa Jongsha Unit.

Heijooh i por ka kur da pyndep ko boon ki kaam wei da chim leh kattu katni ki rai neibynta i bha i miat wei lai bait lai ryntih ki kaam ka kur.

Ha kani ka sngi da pynthymme leh ya kiwa ksoh kaam ka kur, heiwa ya u President da jied da u Rev. Mawshan Nongpluh uwa na Bhoi, u Vice President da u Langbor Nongpluh wa na Kharang, u Secretary da Duno Nongpluh na Mustem, u Asst. Secretary da u Norist Nongpluh na Jongksha, ka Treasurer da ka Probity Nongpluh na Nongmynsong, ki Adviser ar ngut wa kynthup ya u Obeldon Nongpluh na Mawryngkneng wa u Heimonlang Nongpluh na Shillong.

Da pynkut ya ka yachemlang dei kyntien e khublei na u Rev. Mawshan Nongpluh wei kyrkhu pynwai na u Tbn. Shrak Nongpluh uwa na Maskut.

Da wan leh ha kani ka yalang da ki 3 ngut ki dkhot ka kur wa da heh rta, kam u Richmond O. Nongpluh 86 snem na Jowai, ka Kmirsibon Nongpluh 81 snem kawa na Moodymmai wa ka Kwiarsel Nongpluh 91 snem kawa na Moodymmai hi.