Ynne ka sngi ka Khynroo Khyllood Committee (KKC) yong ka Kur Sookpoh Khad-Ar Wyrnai, Jowai da pynman ko ya ka yalang pynsñiawthooh namo ka Awareness Programme hajrong ka phang ‘Understanding and managing the different issues related to adolescent’ namo wow tip wei wow sñiawthooh ya ki kaam yatoh wa kiwa dang khai khynroo.
Ya ka yalang da pynlai da u Dakrai Chyrmang uwa men leh u Chairman ka KKC ka kur.
Da yoh leh i klam na u President ka kur, u Puramon Kynjing uwa man leh u Dolloi ka Elaka Jowai heiwa da yaroh u ya ka KKC wa da pynman ko ya kam kani ka yalang wow myntoi ki khynroo khyllood ha ka juk wa katni.
Chooh chooh da e u ya ki kitbok u leh ya ka bru chemphang (Resource Person) yong kani ka sngi, ka Shelomi V Syngkon kawa man leh ka khon ka kur.
Khaddooh da yoh leh i kyntien khublei na ka Amoura V Syngkon kawa man leh ka Secretary yong ka KKC.
