Pynman ka KVK Jaiñtia Hills yei thung dieñ kam chibynta ka “Global Campaign #Plant4Mother”

U Montri Rangbahdooh ka ri India, u Narendra Modi da wai u ya ka Global Campaign #Plant4Mother ha ka sngi lehkmen ya ka World Environment Day ha ka 05-05-24, wei kam chibynta kani ka Global Campaign, neiliang ka Ministry of Environment, Forest & Climate Change da pyntip ko wa da pynkhreh hadooh kamwa 80 klur tylli ki tre dieñ yow thung ha kylleiñ ka ri hapoh u Naikhynde wei 140 klur tylli won u thung hapoh u Wisu (Mar) 2025.

Ka Ministry of Environment, Forest and Climate Change da sdang ko yei thung deiñ ha Asola Bhati Wildlife Sanctuary ha ka 20-06-24, deiwa chimbynta lang kiwa boon kam ka dak wow burom ya ka bei ram-aw.

Neitæ won kam chibynta kani hi ka Campaign, ka Ministry of Agriculture & Farmers Welfare da pynman ko yaka Plant4Mother Campaign ynne ka 29 tarik hei emlang u Montri ka chnat Agriculture ka sorkar India.

Hapoh kani, ka Ministry da booh ko leh ya ka “Matri Van” ha i thaw wa heh kamwa chi Acre ha IARI Campus heiwa u Montri ka chnat Agriculture, ki sahep wa kiwa kreh ka Ministry yoh ki u ya thung dieñ.

Related posts

Da sdang ka WWIII ong u heh chipai warim ka Ukraine

November 22, 2024

Chah kyrriah u SP ka Ri-Bhoi District

November 22, 2024

I thung dieñ ynne da sdang heipor 10:00 waje i step ha IARI Campus, Pusa, New Delhi wei heijooh i por waroh kiwa kreh ka DA&FW, ICAR, CAUs, KVKs wa ki SAUs hapoh ka ri da pynman ki ya kaam kani ka jooh ka yalang thung dieñ ha jar jiar ki yung krehkaam yong ki. Deiwa yooluti wa palat 800 tylli ki yung krehkaam wa haap hapoh ka Ministry of Agriculture and Farmers’ Welfare u pyndep ki yei thung dieñ hadooh kamwa 3000-4000 tynre.

I chimbynta ki paidbah ha ka Plant4Mother Campaign man ko leh kam ka dak wow burom ya ka bei ram-aw deiwa thung dieñ. Wei heijooh i por i thung dieñ yarap ko yei im wa chaphrang neibynta ki warep wariang, wa deiwa em ki dieñ ye u pynmih ya ki mar rep wa miat wa bha, yow yoh ya ki khyndaw ka um wa biang najrong wa biang ki sboh ram-aw.

Chooh chooh i em ki dieñ man ko ka laad wa khroo wow e yada yei khyndaw wei yow ye u pynim biang yei khyndaw wa da yap.

Heiyatoh wa ini, neiliang ka KVK Jaiñtia Hills leh ynne deilang wa kiwa puræ ha Central Agriculture University, Kyrdemkulai da chimbynta lang ki ha kani ka Campaign deiwa thung dieñ ha KVK Campus wa em ha Wahiajer, West Jaiñtia Hills kam chibynta i pynem burom ya kani ka sngi deiwa e pyrtuid “Uwi u dieñ neibynta ka bei ram-aw”.