Ka Kyrmen Foundation da pynman ko yaka Blood Donation Camp ha ka 16 tarik uni u bnai deiwa ya krehlang waka CSR Department ka Star Cement, Lumshnong deilang waka Civil Blood Bank Jowai wei yeini da pynman ha Star Club ka Star Cement ha Lumshnong hi.
Ha kani ka sngi u Montri sorkar, u Kyrmen Shylla da wan wai u ya kani ka e snaam sñiawbha kam u kongsan deiwa emlang ka Santa Mary Shylla, MLA ka thaaiñ kam ka symbood kongsan.
Da ya emlang leh u Emlangki Lamare uwa man leh u kam u MDC yong ka thaaiñ wei da em leh ki heh yong ki chnat waphær waphær yong ka Star Cement wa ki kattu katni ngut naka Topcem waka Max Cement.
Ha kani ka sngi neiliang ki bru ka Civil Blood Bank Jowai hapoh i pait yong ka Dr. P. Shylla da wan ki u pynlum pynlang ya ki snaam wa da e sñiawbha da kiwa kreh yong ka Star Cement kamjooh leh naka Kyrmen Foundation.
Ka Dr. P. Shylla hadien wada dep pynlum pynlang waroh da pyntip ko wa em hadooh 56 ngut kiwa da e snaam mon sñiawbha ha kani ka Blood Donation Camp.
Discussion about this post