Ka Mihmyntdu Community Social Welfare Association (MCSWA), kam chibynta i lehkmen dap 40 snem yong ka wei heijooh i por kam i lehkmen World Environment Day 2022, da pynman ko yei thung dieñ ha pchem yong ka wa em ha Salaroh, Jowai ha chirup i ya krehlang waka Nehru Yuva Kendra Sangathan deilang waka Faith Academy Secondary School ha ka 3 tarik uni u bnai.
Ha kani ka sngi, u A.J. Nongkynrih, Chief Functionary ka TI Project ka MCSWA da man u leh kam uwa yahkhmat ya ka yalang, wei da ong u leh heiyatoh kam kani ka sngi lehkmen ya ka World Environment Day, man haroh ko kam chibynta u pynsñiawthooh ha kylleiñ ki thaw deiwa e ki sikai ya ki bru wa kammon u sumaar u lehkhooid kamjooh leh u pynneh pynsah i ya ka rymaw khnang wa i myntoi ka spah rymaw u yoh ha ka mynried.
U Pastor Jngai Mohrmen da man u leh uwa chah khut kyrpang ha kani ka sngi wei da booh u leh yei duwai hachwa u sdang ka yalang kam chibynta wow pdiangburom yaka World Environment Day.
Ka N. Dkhar kawa wan naka NYK, Jowai da e khublei ko ya ka MCSWA wei da pynsñiaw ko yei sñiawkmen wow yoh u chimbynta wei wow emlang ha kani ka yalang wei kamjooh leh da kyntu ko ya ki wakreh wow krehlang ki chirup ha ki yalang waphær waphær neini chakhmat.
Hadien ka yalang da sdang leh yei thung dieñ kamjooh ka pynkhooid namo ka Cleaning Drive kawa da ya chimbynta da ki wakreh ka MCSWA, kiwa sikai ka Faith Academy wa ki Volunteers ka NYK Jowai.
