Ka Deen Dayal Upadhyaya Grameen Kaushalya Yojana (DDU-GKY) Meghalaya kawa man ka Scheme ka sorkar pyrdi wow e sikai ya ki khynroo khyllood wa wan na ki manyung wa dooh wa duk na ki thaaiñ palatsor kawa men leh kam chibynta ka National Rural Livelihood Mission, ynne da pynman ko ya ka CxO Meet 2022 neibynta kiwa e sikai ha ka yalang wa pynman ha State Convention Centre, Shillong heiwa u Hamletson Dohling, u Montri ka chnat Community & Rural Development da man u kam u kongsan.
Hawa e yei klam, u Hamletson da ong u wa ka thong yong ka Ministry of Rural Development, ka sorkar India hawa sdang ya ka DDU-GKY ha u 2014 toh wow pynkylla ya ki khynroo wa duna hei yoh i laa na ki thaaiñ palatsor wow ye ki wow yieñ ha jar jiar ki kjat deiwa seiñ khih pyn daki hi.
Da ong u wa ka DDU-GKY da pynkupbor ko ya ki khynroo wow suk ki u chah thung kreh deiwa man kiwa janai hei kaam wa leh ki lyngba kani ka rynsan i wow yarap ya ki chi rta.
Ha kani ka sngi da pynlait leh ya ka Skill Gap Analysis Report wei da e kti ya ka khusnam Best PIA Award cha ka Wazir & Advisors Pvt Ltd. Skill Icons kawa na ka jylla.
Kiwi kiwa da klam ha kani ka sngi kynthup ki ya u T. Lyngwa, Principal Secretary, C&RD Government of Meghalaya, ka C. Tenzing, MoRD Representative wa u Dr. R. Murugesan, Regional Director NIRD&PR.
