Ka Moopyniein Socio & Cultural Sports Organization (MSCSO) deiwa ya krehlang wa ka Swachh Bharat Mission, ynne ka sngi da lehkmen ko yei dap 152 snem ka sngikha u Mahatma Gandhi kawa tip leh kam ka Gandhi Jayanti deiwa pynkhooid ya ki soodong sookun ki luti ki syngkieñ kiwa hapoh ka dong Moopyniein.
Neiliang ka MSCSO da kyntu ko ya ki paidbah wow man ki kiwa lehkhooid ym du ha ki yung ki sem yong ki wei wow em leh i kitkhlieh yei khooid i suba ha waroh ki kdong ki chmiang.
Ha ka sngi 01-10-21, ka MSCSO da pynman lang leh da ka Friendly Football Match deiwa ya krehlang wa ka yung krehkaam u Block Development Officer Khliehriat C&RD Block.
Da em leh ka yalang wa tbian wa pynlai da u Shaniahskhem Dkhar, President yong ka seiñ deiwa emlang u BDO u T. Shylla.
Ya ka yalehke da pynman hapyrdi ka MSCSO wa ka yung krehkaam u BDO heiwa ha kani ka yakhun, ka MSCSO da jop ko ya ka yung krehkaam u BDO da 3–1.
