Ka Dorbar Chnong Mukhla Nongrim kam chibynta wow ya ksohkti lang wa ka ri India ha ka sngikha u Mahatma Gandhi itæ ha ka 2 tarik uni u bnai, da pynman ko yei pynkhooid chnong.
Hachwa wow sdang ya i pynkhooid chnong da yoh leh yei puræ ya ki kyntien kular (Pledge) yow kular u man kiwa lehkhooid nadooh na yung wa ha chnong ha thaw wei ymtoh wow lehkhooid du chi sngi donhi.
Ya i puræ ya ka Pledge da yahkhmat da ka Belda Sari kawa man ka Headteacher yong ka Mukhla Nongrim SSA L.P. School wei da chimbynta lang da ki manbei manpa, ki kynthai wa chynrang.
Ya i pynkhooid chnong da yahkhmat da ka Village Organization (VO) wa ka Seiñ Manbei yong ka chnong.
Yei pynkhooid chnong da pynman ha ki dong, ki kyntoit waphær waphær wei da sdang chwa wow pynkhooid ya ka pchem ka yung Dorbar Hall ka chnong Mukhla Nongrim.
Ha kani ka sngi da ya embynta lang wa kiwa yahkhmat chnong nadooh u Waheh Chnong, Secretary Chnong, Chairman Chnong wa kiwi kiwi ki waheh, wei i thong yong ini i pynkhooid chnong toh wow wanrah ya i khooid i jngiar hapoh ka chnong ka thaw wa ka imlang sahlang.
