Ka Dorbar Chnong Mukhla Nongrim deiwa ya krehlang waka yung krehkaam u DHMO Jowai da pynman ki ya ka pynsñiawthooh paidbah hajrong ka phang Adolescent Age namo ki por khai khynroo hapoh ka Red Ribbon Club.
Ya kani ka yalang da pynlai ya ka da u Secretary Dorbar Chnong Mukhla Nongrim, u Standbyme Sari wei da yoh leh yei batai pynche hajrong kani ka phang na ka Glory Suting kawa man leh kam ka Project Officer yong ka Red Ribbon wei heijooh i por leh da yoh chiboon ki kyntien sneiñ kyntien kroo na ka Tell Suna kawa man leh ka Nurse na ka Khliehtyshi PHC wei da klam leh kamjooh chaphang ka chongkha chongman heipor wa dang khynnah kawa pynman ka daw bah ya ki bei ki pa wow chem ki chiboon i eh wa boon jait.
Da kyntu ko leh ya ki khon khynroo kynthai wa chynrang wow kiar ki na i chongkha roi wei kammon u yada na i jait kjut HIV/AIDS.
Ha kani ka sngi da emlang leh u MLA ka Jowai, u Wailadmiki uwa da e ya ki kyntien sneiñ wei da kyntu u ya ki khon khynroo wow man ki kiwa im sngi ha ki kaam wa bha.
