Ka Ministry of Commerce and Industry deiwa ya krehlang waka National Institute of Design, Ahmedabad, da pynman ki yaka yakob wow chna kari dai baam kiwa pynemkaam cha sarok deiwa pyrkhat wow yada nei poor u khñiang COVID-19, kiwa suk u chna wei kiwa duna dor (COVID-19 Street Vending Cart Design for Designing a New and Cost Effective Cart Models). Da chimbynta ha kani ka yakob da kiwa lai puræ ka NID Ahmedabad, Andhra Pradesh, Assam, Haryana wa Madhya Pradesh nadooh ka 22-12-2020 hadooh 05-02-2021.
Ka National Institute of Design, Ahmedabad da chim ko ya kani ka luti neidaw wa mih boon ki moochynthut neidaw u COVID-19 wei deiwa chem ya ki buit thymme, kamjooh kiwa krehkaam, daw chna yaki boon tylli yow pynemkaam kiwa dai mar charood sarok.
Heijooh i por, i thong kani ka yakob toh yow pynkylla dur noh yei rukom dai baam deiwa pyrkhat leh wow pynchon hei khmat ki bru wa wan thied iwa daw yarap wow pynku yei yoh nong kiwa dai.
Da pyrkhat leh yei emkaam wow booh yaki thaw pynyoo rong yaki mar wa dai, i thaw booh baam wa khooid, ki thaw noh jhep, kawa suk wow song wow khylliap wei heijooh i por kiwa suk wow yah chawah chaneiñ.
