Ka National Museum, New Delhi da lehkmen ko yei mahajon ka thaaiñ North East India, deilang waka Ministry of DoNER waka NEC hajrong ka thong krehkaam yong ki kawa tip kam ka “Destination North East India” iwa man leh kam chibynta i lehkmen dap 75 snem ka ri kawa da e pyrtuid Azadi Ka Amrit Mahotsav deiwa pynyoo rong leh yei dustur riti. I lehkmen da ka National Museum toh kiwa sdang nadooh ka 1 tarik uni u bnai hadooh ynne ka 7 tarik.
Da yoh ya ki rwai ki chaad tynre na ki jylla kam ka Assam, Manipur, Mizoram, Nagaland wa Sikkim nadooh ka 1 tarik hadooh 3 tarik ha National Museum. Da pynman leh ya ki lehkmen Online ha ka 4 wa 5 tarik uni u bnai.
Ha ka 6 tarik da yoh ya i rwai tynre wa tip kam i Goalparia da ka Agragami wa i Pung Cholom (Stick Dance) ka Manipur da u Panthoibi Jagoi Marup wa ki chaad Bihu.
Ynne ka 7 tarik da yoh leh ya ki chaad wa ki rwai tynre wa da sakhi da u Partha Sarthi Sen Sharma, Director General, National Museum wa u Subrata Nath, Additional Director General, National Museum heiwa da saam leh ya ki Mementos wa ki Certificate cha kiwa chimbynta.
