Pynman ka NESFAS dei yakob chet ja Midday Meal

Ka NESFAS da pynman ko ya ka “School Meals Festival cum Agroecology Learning Circle (ALC) Cluster Sharing” ynnin ka sngi ha Laitsohpliah, East Khasi Hills heiwa da em 13 tylli ki dong ki chnong na Laitkroh wa Shella Block kiwa da wan chimbynta wow pynyoo ya ki baam skur wa da e ki wei wow ya phyllu yumut hapyrdi ki ALC Group yong kini kiwa chong chnong.

Ya kani ka yalang da sdang dei pynyoo rong ya ki baam wa da e ha skur wa da pynkhreh da ki 5 tylli ki skur kiwa na Laitkroh Block wa kynthup ya ka Nongtraw RCLP School, Subakalai SSA LP School, Laitsohpliah RCLP UP School, Dewlieh Govt. LP School wa ka Mawmihthied Govt. LP School. 

Kani da man ko leh kam chibynta ka yakob yei pynkrehkaam ya ka “Linking Schools to Agrobiodiversity for improved Diets, Nutrition and Livelihoods” kawa da thmu wow e laad ya ki khynnah wow yoh ki yei baam wa chait wa khiah wei kiwa boon jait.

Ha kani ka yakob, ka Dewlieh Govt. LP School da jop ko deiwa pynyoo yei chemphang wei sñiawthooh ki ya ki jait baam wa emkaam ki khynnah.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Neiliang u Pius Ranee, Executive Director, NESFAS, da khana u yei mahajon ki jait baam wa em cha ki thaw palatsor ka Meghalaya wei da khut u yei ya krehlang yong waroh wow pynkhlan ya ini i pynmyllien u baam ya ki jhoor wa kiwi de ki mar rep yong i hi deiwa e nongmuna ya iyi wa ye u leh deiwa pynemkaam yei bor wa i por kamwa da pynyoo kini ki skur ha kani ka sngi.

Da pynsñiaw u leh yei kmen wow yoo wa ki khynnah skur da tip ki wow kheiñkor ya ki baam tynre wei da yaroh u leh ya kini ki skur yei stat ki wow pynkreh baam.

Ka Rilang Nongrum na ka skur Subakalai School, Laitsohpliah da khana ko ya kiwa boon ki jait baam wa da pynyoo kam chibynta i baam Midday Meal. Wei da yaroh ko leh ya ka NESFAS kawa da yarap ya ki skur wow pynjanai ya ka Midday Meal kiwa da em katni 5 tylli ki jait baam deiwa pynemkaam leh da ki jhoor wa da thung ha ki kpær yong ki skur.

Chooh chooh da ong ko wa deiwa yoh ki khynnah dei baam wa bang da pynchlur ko leh ya ki wow wan skur ki khlem pep.

Ha kani ka yalang da saam leh ya ka khusnaam Best Performing ALC & Community Facilitator (CF) cha ka Laitkroh wa Shella Cluster wei da saam leh ya ka khusnaam cha kiwa jop ha kani ka yakob pynkhreh ja skur ya ki khynnah.