Ka North East Students Organisation (NESO) ynne da pynamn ko ya ki yakhih chong kyllaiñ myngngor ha waroh ki nongbah ki jylla ka North East yow dawa naka sorkar wow wanrah yei suk wa neh hapoh ka jylla Manipur.
Ha Meghalaya yeini da pynman ha Shillong deiwa chimbynta ka KSU, JSU, GSU, FKJGP, HNYF, RBYF, Shillong Manipuri Students’ Union, Kuki Students’ Organisation Shillong, Naga Students’ Union Shillong, Shillong Socio-Cultural Assamese Students’ Association, Mizo Students’ Union Shillong, Twipra Students’ Federation Shillong, Arunachal Students Union Shillong, Mara Students’ Organisation waka Lai Students’ Association.
Neiliang u Chairman ka NESO, u Samuel Jyrwa hawa e yei klam da dawa u naka sorkar pyrdi wow khut yaklam wa waroh kitu kiwa chah ktah yow sdang ya ka luti yow wanrah yei suk.
Da ong u wa ini wa jia ha Manipur toh iwa sñiawsih wei ka NESO hei sñiaw ko wa ka sorkar da rem ko hei kaamram yong ka wow pynbait yeiwa da jia neibhah wym bien ko wow wai yei khmat yong ka wei hadooh katwon u chimpor wei wow e laad u jia ini.
Kiwi de kiwa yahkhmat ki seiñ leh da e ki yei klam heiwa u Chongtham Thangamba Meitei, President ka Shillong Manipuri Students’ Union da ong u wa sñiawsih wow yoo yeiwa jia hapoh ka chong ki wei i eh wa da maad ki paidbah, kamtæ da kyntu u ya waroh kiwa chong chnong wow ya ksoh kti ki yow yaleh pyrchah ya ki kaam wym man.
Discussion about this post