Kam chibynta ka Special Campaign 3.0, neiliang ka National Sample Survey Office, Field Operations Division, Regional office Shillong ha ka 14 tarik uni u bnai da pynman ko ya ka Cleaning Drive yow pynkhooid ya ki soodong ka Ward’s Lake.
Da ya wan wow ya chimbynta da kiwa kreh ka NSSO (FOD) RO Shillong kiwa da chimbynta chongchit yow pynkhooid ya kini ki thaw da ka thong wow pynman ya ka Shillong kawa khooid.
Neiliang ka Ministry of Statistics & Programme Implementation da pynman ki ya kani ka Special Campaign 3.0 wei ka thong toh yow pynsmat u pyndep pynbait ya kiwon kiwon ki ujor wa yoh na ki paidbah, yow pynpoi cha ki Member of Parliament (MP) ya ki khubor wa tikna, i lai bait i kaam i jam hapoh Parliament, u pyntikna yei khooid i jngiar ha ki thaw kreh wei wow pynbait ya ki kot ki sla namo ki Files.
Kani ka Special Campaign toh kawa da sdang nadooh ka 15 tarik u Naikhynde wei da pynkut ha ka 30 tarik u Naikhynde hi kam chibynta wow pynkhreh yow jied iyi wa hap u leh wei kiwon ki thaw wow lai pynkhooid heiwa da sdang ya ka bynta wa ar nadooh ka 2 tarik uni u bnai wei daw pynkut ha ka 31 tarik uni hi u bnai.
Kam chibynta kani ka Campaign, ka NSSO(FOD) Regional Office Shillong u yaleh ko u pynchna yei thaw kreh heitæ i rukom yow lait u khynnia wei wow chna pynmiat leh ya ki thaw krehkaam yow man leh i thaw iwa khooid.
Discussion about this post