Ka yung krehkaam yong ka Nehru Yuva Kendra Sangathan, Nongstoiñ ha ka 7 tarik da pynman ko ya ka District Level Yuva Utsav kawa da wan wow chimbynta da ki boon phaw ngut ki khon khynroo khyllood na ki Block waphær waphær ka West Khasi Hills wei kamjooh leh na ka District yong ka South West Khasi Hills.
Da pynlai ya katai ka yalang da u Biangborpyrkhat Nongsiang NYV Nongstoiñ Block deiwa ya emlang u MDC ka Nongstoiñ Constituency, u Gabriel Wahlang kam u kongsan, u President ka Meghalaya Chess Association, u Boney Kharbani, u Deputy Director yong ka Nehru Yuva Kendra Sangathan Meghalaya, u Donavan Rapsang uwa pait leh ya ka Nongstoiñ NYK wa ki wakreh yong oo.
Ha kani ka sngi da pynman ya ki yakob waphær waphær kam ka yakob thoh poitri, ka yakob chondur da ka Mobile, ka yakob dro, ka Declamation Contest, ka Youth Convention wa ka Cultural Program. Ha kani ka yakob kiwa jop yong ki bynta waphær waphær da yoh ki deilang wa ki Certificate.
Kiwa jop ya ka yakob thoh poitri toh ka Daisy Mary Marweiñ kawa da yoh nyngkong, ka Jiovanni Nongrum kawa yoh wa ar wa ka Lovemerrysha Syiemlieh kawa da yoh wa le. Kiwa jop yong ka yakob chondur da ka Mobile toh u Hamarbadonbok Nonglang, wa ar u Femulstar Paliar wa le u B. Rmen.
Kiwa jop yong ka dro dur toh ka Bibitidul Sohshang, wa ar u Mightyson Syiemlieh wei hei wa le u Bamutskhem Nongsiej. Kiwa jop yong ka Declamation Contest toh ka Citycity Nonglang, wa ar ka Bellyti Marweiñ wa le ka Samanbha Ryntathiang.
Kiwa jop yong ka Youth Convention toh ka Citycity Nonglang, wa ar ka Bellynti Marweiñ, wa le ka Samanbha Ryntathiang wa soo u Aldus Lyngkhoi.
Kiwa jop yong ka Cultural Program toh ka Gijang A’kong A’chik Cultural Arts and Sports Association na Mawshynrut C&RD Block, wa ar ka Family & Youth kawa na Nongstoiñ Block wei kawa le da yoh ka Amtrak kawa na Nongstoiñ Block.
