Ka Nehru Yuva Kendra Sangathan (NYKS) Jowai deiwa ya krehlang wa ka Mupyut United Sports Club da yoh ko wow pynman ya ka Vikas Diwas Programme ynnin ka sngi ha Mupyut Secondary School kawa em hapoh ka chnong Mupyut, Amlarem Block.
Ha kani ka sngi da wan sakhi lang leh wa u Monesh N. Sangma uwa na ka chnat Horticulture wei da man u leh kam u bru chemphang namo u Resource Person ha kani ka yalang uwa klam wei hikai chaphang i chait i khiah wa i lehkhooid kamjooh wow pynman ya ka soodong sookun kawa khooid wa jngiar yow yoh yei doh i pran wa chait wa khiah hawa im man-ka-sngi.
Hadien wa kut i yaklam, ki khynnah skur deilang wa ki dkhot ka Mupyut United Sports Club da chimbynta ki wow pynkhooid wei wow jied ya ki Plastic kiwa em ha soodong sookun yong ka skur kam i dak wa yatylli yow man kiwa lehkhooid.
