Kam chibynta u pdiang sñiawbha yei lehkmen Behdieñkhlam 2023, neiliang ka Dorbar Chnong Pamrakmai, East Jaiñtia Hills District kamwa jooh leh man-u-snem, ynnin ka sngi leh da pynman yei pynkhooid chnong ha waroh ki dong ki chnat, ki luti syngkieñ deiwa mih ryntihlang da waroh ki thlu yung deilang wa ki Self Help Group, ka Village Health Council, Village Water Sanitation Committee (VWSC), ka Village Health Sanitation Nutritional Committee (VHSNC) hapoh i yahkhmat ki Executive Member yong ka chnong dei thmu wow pynman ya ka chnong wa khooid wa suba.
Kam chibynta wow pynman leh ya ka chnong wa lait na ki Plastic, ka dorbar chnong da pynchlur ko ya kiwa chong chnong u jied u pynlang ya ki Plastic deiwa e khusnaam da ka poisa ya kiwa pynlang.
Kamtæ ki khon khynnah yong ka chnong da mih ki deiwa ka-it ki mynsien wow jied u pynlang Plastic yow man kam ka nongmuna ya ki manbei, ki khynroo wa ki waheh.
Neiliang ka dorbar chnong da e khublei Behdieñkhlam wa suk wa kmen ko ya waroh.
