Ka Pdengshakap PHC ynnin ka sngi ka 5 tarik hei yahkhmat u Dr. H Synmon wa u JR Rupsi, Health Worker ka DMO Jowai, da pynman ki yaka pynsñiawthooh paidbah namo ka Awareness Cum Drawing Competition ha Pamtbuh U.P. School, heiyatoh waka kjut khairih (Malaria), kam chibynta ka “World Malaria Day”.
Kiwa jop ha ka yakob dro dur man ki kamni ha wah:
1st Prize: Ka Younity Surong
2nd Prize: U Hamran Surong
3rd Prize: Ka Ishamanbha Surong
Da saam leh ya ki Consolation Prize cha ki 5 ngut kitæ u Forme Surong, ka Uri Khyriem, ka Wanroiki Langshiang, ka Emika Rasmut wa u Woulad Khyriem.
Ha kani ka sngi da pynman leh ya ka yalang wa chongchit, heiwa da yoh yei pynche heiyatoh wa i khairih (Malaria) na u J. Tongper MTS I/c Amlarem Block wa na u JR Rupsi wa pynlai ya kani ka yalang.
Da klam che ki hajrong ka yurim wa ong katkam ka phang pyrdi ha kani ka sngi “Reaching The Zero Malaria Target”
Da yoh leh yei klaam naka Headmistress kani ka skur ka Iahunlang Lyngngiar, u Waheh Chnong u E. Bataw, Secretary Chnong u A. Nongwa wa kiwi kiwi.
Kani man ko katkam ka Wyrta na u JR. Rupsi.
