Ka Public Health Engineering (PHE) yong ka West Jaiñtia Hills District ha ka 23 tarik da pynman ko ya ka World Water Day yong uni u snem ha District Library Jowai hajrong ka phang “Water and Gender”.
Ya kani ka yalang da wan sakhi da ka Assistant Commissioner, West Jaiñia Hills District, ka L.B.R Marak kam ka kongsan hei emlang ki khynnah skur, kiwa sikai kamjooh kiwa kreh ka chnat.
Ya ka yalang da pynlai da ka District Project Manager ka JJM, ka Z. Lyngdoh wei da yoh i klam pdiang burom na ka SDO Amlarem Sub Division Jowai, ka D.Ksoo.
Da yoh leh i klam tbian na u Executive Engineer uwa man leh u Member ka DWSM, West Jaiñtia Hills District uwa da klam yei mut wa emkaam ka um heiwa kammon u pyneh pynsah ya ka kamjooh i krehlang wa ka Office yow tip i u pynkhooid u syndong ya ka um khnang wow suk ka pateiñ mynried.
Da wan e i klam sñiawbha da u SDO ka Water Resource Department, u N. Tariang deilang wa i pynyoo (Presentation) yong oo.
Ka kongsan, da e ko i klam heiyatoh wa ka sngi katkam ka Theme, kamjooh da kyntu ko ya waroh kiwa em wow leh khooid ki ya ka tyllong um yong i wow neh wow sah ko yow suk ki paidbah hi khamtam ha ki kynthai wa khynnah.
Ka L. Hing (WQMS) ka JJM da e ko i klam chaphang i leh khooid khnang wow lait nei kjut i chitom.
Chwa wow pynkut ya ka yalang da em ki Poetry Recitation na kiwa jop wa da pynman chwa kani ka sngi da ka Online kamjooh kiwa rwai wa chah khut sñiawbha.
Da saam ya ki khusnaam da u SDO ka Electrical Sub division Jowai, u R. Challam kamjooh ya ki VWSC yong ki chnong wa da yoh um kiwa wan chimbynta ha kani ka sngi.
Da pynkut ya ka yalang dei da i e khublei na ka SDO ka Jowai Sub Division ya waroh.
Discussion about this post