Ka People’s Welfare and Development Society (PWDS), da pynman ko ya ka yalang pynsñiawthooh paidbah hajrong ka “Prevention of Early Child Marriage” namo wow yada nei chongkha dang khynnah kawa da pynman ha ka 5 tarik uni u bnai ha St. Joseph Secondary School Mynsngat, West Jaiñtia Hills District.
Ha kani ka sngi da wan wow chimbynta da palat spah ngut ki khynnah skur kiwa em hei rta ka 14 hadooh 17 snem.
Ya kani ka yalang da pynlai da u Mutshwa Thabah, President ka PWDS wei da yoh ya ki kyntien pdiang sñiawbha na u Rev. Fr. Becare Orlando Dkhar, Principal ka St. Joseph Secondary School.
Ha kani ka sngi da yoh yei sikai na ki bru chemphang kiwa kynthup naka Health Department waka Social Welfare Department kam naka S. Lapasam (Lady Health Visitor, Nartiang PHC) kawa da klam hajrong ka phang, “Consequences of Early Pregnancy” namo i ktah nei chongkha dang khynnah wa naka T. Lapasam (Community Health Officer Nartiang PHC) kawa da klam hajrong ka ka phang “HIV/AIDS”.
Ka Jacklyn Synnah, District Social Welfare, WJH da klam ko hajrong ka aiñ “Prohibition of Child Marriage Act 2006” wa kiwi de ki phang kiwa yatoh wa i kaam cnongkha khynnah.
Ha kani ka yalang da wan wow sakhi lang leh da kiwa sikai yong ka St. Joseph Secondary School kawa da pynman deiwa kyrchaan poisa ka chnat Social Welfare, West Jaiñtia Hills District.
