Kam chibynta wow pteiñ yei lehkmen yei dap 75 snem i yoh laitlooid ka ri iwa da e pyrtuid Azadi Ka Amrit Mahotsav deilang wa i lehkmen dap 50 snem ka Meghalaya, ‘Shraddhanjali’, da pynman ya ka janmiet pynwyrngia deiwa rwai ya ki sur maya ri neibynta ki khlawait ka ri kiwa da e yei mynsien ki neibynta ka ri.
Ya ini da pynman ha Raj Bhavan, Shillong ynne ka sngi heiwa u Lat ka Meghalaya u Satya Pal Malik da wan u kam u kongsan.
Ha kani ka janmiet da wan wow rwai wow tem da kiwa tem wa put ya ki sur tynre wei da yoh ya ki rwai maya ri nda ka Priyanka Chaudhary deilang waka Assam Rifles Jazz Band.
Ya kani ka lehkmen da pynman da ka Raj Bhavan deiwa ya krehlang waka Directorate of Arts and Culture, ka sorkar Meghalaya deilang waka ICCR, Shillong.
