Pynman ka RBI da ka yalang yow pynchlur ya kiwa seiñ kreh ka West Jaiñtia Hills 

Kam chibynta wow kynjoh ya ki Micro Small and Medium Enterprises (MSMEs) namo kiwa seiñ kreh da kiwa khian, ka Reserve Bank of India (RBI), Shillong da pynman ko da ka yalang Town Hall Meeting ha ka 22 tarik ha Thangbuli Club Hall, Amlarem, West Jaiñtia Hills District ya kawa da pynlai da u Navneet Singh Nagar, DGM, RBI Shillong hei emlang ka D.V. Lyngdoh, ADC, West Jaiñtia Hills District, ki Regional Manager ka SBI, ka MRB, ki sahep ka Directorate of Commerce & Industries, ka Meghalaya Basin Management Agency, kiwa kreh Bank wa kiwa seiñ kreh na ka District.

U Navneet Singh Nagar, DGM, RBI, Shillong da pdiang burom u ya kiwa wan cha kani ka Town Hall Meeting neibynta ki MSME wow pynsñiawthooh ya ki heiyatoh wa ki myntoi wa ye u yoh na ki Bank wei kamjooh kammon ki kyndon krehkaam ka RBI khamtam kitu kiwa ym em Bank Account yow wan wai Account ki.

Da ban joor u wa ka Town Hall Meeting toh ka yalang wa pynman ka Reserve Bank hei wow ap ya ki buit ki budia wa i chem chitom ki MSME iwa da pynartatien ya ki wow chim ram na ki Bank.

Kiwa kreh ki Bank da klam ki ya kini kiwa seiñ kreh heiwa da khana ya ki kaam wa ye ki u e yarap cha kiwa seiñ kreh hapoh ka jylla.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ki sahep na ka Meghalaya Basin Management Agency da khana ki ya ki kaam wa ka sorkar da leh ko deiwa e nongmuna ya ka IVCS Sohphoh kawa da tipmit hapoh ka Sfurti Scheme ka sorkar India.

Ka Trinity Saioo, kawa yoh Padam Shree da khana ko ya ka parom heiwa kammon pynlai yaaw ko ya u syiñ chyrmit Lakadong.

Da em leh kiwa seiñ kreh kiwa da yoh ya ki Sanction Letter yow e ram cha ki ha kani ka sngi.

Ka DV Lyngdoh, ADC, u G. Sarma, RM, SBI wa u Deepak Singha Roy, RM, MRB leh da klam ki ha kani ka yalang.