Kam chibynta yong ka lehkmen ya ka sngi laitlooid ka ri, neiliang ki dkhot ka Rotaract Club of Pine City Shillong da pynman ki yei thung dieñ.
Ha ini i thung tre dieñ da thung hadooh 200 tylli ki tre dieñ ha chnong Nangbah, West Jaiñtia Hills hapoh i pait i pynlai u Club Advisor, u Skhemjingmut Law hei emlang u Project Chairman, u Rtr. C.A. Ram Kyndiah wa kiwi ki dkhot ka seiñ deiwa bahkhlieh wow pait wow sumaar ya kini ki dieñ hadooh 2 snem.
Ka thong yong kani ka thung dieñ toh wow wanrah ya ka mynried wa yirngam kam chibynta wow yada u kær ya ka rymaw waroh kawi.
Chooh chooh ka seiñ da ong ko wa lada pam ya ki dieñ, yaryngkat i wa i tynyap yei mynsien katwa kamtæ emkaam wow thung wei wow sumaar ya ki dieñ wa da thung.
