Jowai: Ka Rotary Club Jowai ha kani ka 12 tarik da pynman ko yaka thung dieñ ha St. Paul English Secondary School, Mookaswan kam chibynta wow pynsñiawthooh yei emkaam wow pynneh pynsah yaka rymaw wa i ktah i sdang chit ka pyrthai namo ka Global Warming.
Chwa wow pynman yaka thung dieñ da em ka yalang wa pyllai da u President ka Club u Rtn. J.M. Pohsngap uwa da pdiang sñiawbha yaka AG ka Zone X, District 3240 Rtn, EF Gatphoh, kiwi ki Rotarian, ki lok ki jor yong ki, kiwa ha yung ha sem yong ki, ki khynnah skur wa chong Class VII, VIII, IX wa X ka St. Paul English Secondary School.
U President hei klam yong oo da kyntu u ya ki para Rotarian kamjooh ya waroh wa emlang wow ya krehlang wow pyndooh yeiwa da chah pynjæd chah pynsih ka rymaw da ki kaam wa khian deiwa thung ya ki dieñ wei wow yada ya ki kawa man leh ka kamram yong i uwi pa uwi wow yada yaka bei rymaw.
Neiliang u Rtn. R.E. Laloo da klam u chaphang ka Global Warming wei i emkaam u em ki dieñ ha waroh ki thaw iwa im i. Da khana u leh wa ini i thung dieñ toh iwa leh chisien chi snem daka Rotary wow pynsñiawthooh paidbah ya kaam wa yatoh waka rymaw.
U Rtn. K. Pakma hei klam yong oo da ban joor u yei emkaam wow pynman ya kam kini ki kaam thung dieñ.
Da pynkut yaka yalang da ki ktien e khublei na u Rtn. Dr. B. Dkhar.
Discussion about this post