Pynman ka RSS wa ka Seiñ Raij Muthlong ya i pynsñiawthooh hajrong u COVID-19

Jowai: Ynne ka sngi ka Rashtriya Swayamsevak Sangh (RSS) chirup wa ka Seiñ Raij Muthlong ha i emlang ki pulit na Phramer Traffic Cell wa ki VDP ka Thadmuthlong C Phramer da pynman ki ya ka pynche pynsñiawthooh namo ka Awareness heiyatoh wa kammon u yada na i poor ka khlam u COVID-19.

Ya ini i pynsñiawthooh da pynman neibynta kiwa lai thied mar baam na ki dukan wa em ha kani ka chnong kamjooh leh neibynta ki tre dukan. 

Da batai leh wa ymhoi u uiñ kulmaar cha sarok wei da batai bha leh ya ki bru ha iwon i rukom wow sait ya ki kti yong ki watoh khnang wow lait na i poor uni u khñiang. 

Kamjooh leh da batai hajrong ka Social Distancing neibhah wa lada jngai iwi na iwi man i iwa eh wow poor uni u khñiang. Kamjooh leh da batai ya ki dak (Symptom) wa pynyoo wa em wa yoh ya uni u COVID-19. 

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ya ini da batai da u Nidapbiang Lyngdoh uwa man leh u President ka Seiñ Khynroo Khyllood Seiñ Raij Muthlong wa ki wakreh monsñiawbha yong ka seiñ uwa man leh kam u Pharmacist wa u COVID-19 Health Volunteer. 

Da emlang leh ryngkat wa ki khynroo wa kitkaam ka seiñ kam u Shiningstar Tang, Wanorhi Tang, Yooskhem Suchiang; da ekhublei leh ya waroh kiwa chimbynta ha kani ka sngi wei kyrpang ya u DC ka District uwa da ebor wow pynman ya kani ka pynsñiawthooh. 

Da saam leh yaki Gloves waki Mask cha ki paidbah Mukhla, Ummulong, Wahiajer wa Nartiang.