Pynman ka Rymbai Govt. Secondary School ya ka Swachh Bharat Pakhwada

Jowai: Ka Secondary School wa samen yong ka sorkar hapoh ka East Jaiñtia Hills District, kawa tip kam ka Rymbai Government Secopndary School ha kani ka 1 Naikhynde da sdang ko ya ka program wa tip kam ka Swachh Bharat Pakhwada 2017 deiwa pynman ya ka yalang hapyrdi ki manbei manpa ki khynnah skur wa kiwa sikai hei emlang ka Dr. C. Sariang, Medical & Health Officer, PHC Rymbai kam ka bru chemphang (Resource Person).

Ya kani ka yalang da pyllai da ka Headmaster yong ka skur, ka P.L. Nonglait kawa da e leh ya ki kyntien pdiangburwom, u Riquoma Rq. Laloo uwa man leh uwa sikai kani ka skur heiwa da e u ya ki kyntien lamkhmat ha chwa wow sdang kani ka program wei da yahkhmat u leh wow puræ ya ki kyntien kular namo ka Pledge ya kawa da pynbood lang da waroh kiwa em ha kani ka yalang.

Kiwi kiwa da klam ha kani ka yalang toh ka Waphasan Bareh wa u Meshwa Rymbai kiwa da batai chaphang i myntoi i lehkhooid iwa man iwa emkaam bha man ka sngi katwa ya i myntoi wa mih na i lehkhooid hei chait i khiah da yoh yei klam na ka Dr. Sariang.

U Laloo hei klam da kyntu u ya waroh ki manbei manpa wow yakrehlang ki khnang wow ye ki u wanrah yei khooid i jngiar ha ki soodong sookun ka chnong ka thaw deiwa sdang chwa na yung wow sikai ya ki khon wow man ki kiwa lehkhooid ma ka sngi.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ka Dr. Sariang da batai ko chaphang i leh jakhlia kiwi tawon ki bru hapoh ka ri India hawa wyrchaw ya ki bru na ka thaiñ mihsngi.

Da pynkut ya kani ka yalang da ki kyntien e khublei na ka A. Dawansuk Lathong.