Pynman ka SBI da ka yalang wa tip kam ka Financial Literacy Campaign ha Thomas Jones Synod College

Jowai: Ka SBI Jowai Branch da pynman ko ya ka pynsñiawthooh paidbah wa tip kam ka Financial Literacy Campaign ha ka 29 tarik uni u bnai yow pynsñiawthooh ya ki bru chaphang ki kaam poisa poilaiñ wa kammon wow pyllang poisa khnang wow suk ka mynreid mankawi kamjooh leh yow pynsñiawthooh ya ki paidbah chaphang ka Digital Payment ka juk sayan kawa katni kawa man ka rukom su deiwa khlem su poisa mar kti.

Ya kani ka yalang da pynman ha Thomas Jones College heiwa u S.K Lato da man u kam u kongsan ha kani ka sngi.

Ya ka yalang won da pyllai da ka Neini Shylla, Asst. Manager SBI Jowai branch.

U Rajiv Sharma uwa man kam u Chief Manager SBI Regional Office da klam u chaphang ka bank ka SBI kawa da man ka bank ka wa rim wei da man ko leh ka bank kawa heh hadooh katæ katæ. Da ong chooh chooh u wa ka SBI da man ko ka bank kawa 3 ha pyrthai hei heh da em ko ki tnat chadooh cha baar ka ri.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha kani ka bank boon ko kitæ ki Products namo kitæ  ki kaam kiwa pynyohmyntoi kam ki Business Loan, Car Loan, Credit Card, Debit Card, Personal Loan, Housing Loan, Insurance, Mutual Fund, Saving wa Current Account, Fixed Deposit wa kiwi kiwi.

U Biangpor Shylla uwa man kam u District Manager yong ka CSC eGovernance da batai u chaphang ka Digital India deiwa ong wa ka stat sayan wa pyn em kaam da ki kor Computer, ki phone lyngba ka Internet da pynsuk ko ya ki bru hadooh kattæ kattæ nadooh i kam wa khian hadooh i wa heh.

Da batai u leh wa ka i wan ka Digital India da pynduna ko ya ki bru wow pynemkaam ya ka kot poisa neibhah da pynemkaam bait ki da ka Digital Payment. Kamjooh leh wa katni hadooh u yaleh kreh ye u leh online. Da batai u leh wa em ki CSC (Common Services Center) ki wow yarap u pynsniawthooh ya ki paidbah ki wym tip u pynemkaam ya ka juk sayan wa katni khamtam kiwa em cha ka thaiñ nongkyndong.

U kongsan ha kani ka sngi da yaroh bha u ya ka Bank wa da ye ko u pynman kam kani ka yalang kawa e myntoi chiboon ya ki paidbah heiwa da che bha wa batai ki wa heh ka SBI kamon u pynemkaam ya ka poisa wei kammon u pynduna i ki bru yei pynemkaam ya ki kot poisa.

Da ong u wa katni da stat ki bru u thooh laad kammon u pynsuk yeiwa emkaam ki bru man ka sngi hadooh oo katni ym em de thap poisa u hapoh kata u wei da pynemkaam u da ki Card kawa ye u pynemkaam chadooh cha bar ri leh wow sai poisa na ki ATM wei wow su poisa ha ki kor POS.

Ya ki kyntein e khublei da yoh na u Branch Manager ka SBI Jowai Branch u S.T. Ngaithe.