Jowai: Ka Seiñ Khynroo Khyllood Seiñ Raij Mukhla da pynman ko ynne ka sngi yaka yakob Miss & Mr Seiñ Raij Mukhla 2019 ha Mukhla Shohshrieh wei da man ko sien wa san wa ka Seiñ Khynroo Khyllod Sein Raij Mukhla da pynman ko ya kani ka yakob miat kynthai bha chynrang.
Ya kani ka yakob da pynman leh kam chibynta ka lyngkhooh dap 20 snem i lai luti ka Seiñ Khynroo Khyllood Sein Raij Mukhla, wei da wan wai ya ka da u Lakhon Dkhar, MDC ka Sohmynting Khliehtyrshi wei da yoh ya ki ktien pdiang burom na u Kamai Suna, General Secretary Dorbar Chnong Mukhla Shohshrieh, i klam na u Wanbha Lyngdoh uwa man leh u President wa nyngkong ka Seiñ Khynroo Khyllod Seiñ Raij Mukhla, na u Treyo Lyngdoh uwa man u Assistant General Secretary ka Seiñ Raij Mukhla, na u Morcha Rymbai na Seiñ Raij Jowai wei khaddooh da yoh i snien i kroo na u kongsan u Lakhon Dkhar katwa ya ki ktien e khublei da e da u Standbyme Sari uwa man u General Secretary warim ka Seiñ Raij Mukhla.
Ha kani ka sngi leh da yoh ya i rwai na ka Rijunom Suchiang kawi na kiwa chimbyta haka Jaintia Got Talent, heiwa da wan sakhi da ki paidbah chong chnong kiwa da yawan tooid cha kani ka yakob.
Ya kani ka yakob da pynlai da u Ryngkat Sari, President Seiñ Khynroo Khyllood Seiñ Raij Mukhla, u Player Suna, General Secretary Seiñ Khynroo Khyllood Sein Raij Mukhla wa u Firstly Sari u Executive Member ka Seiñ Khynroo Khyllood Seiñ Raij Mukhla.
Hawa kut ka yakob, yei naam Miss Seiñ Raij Mukhla da yoh rah da ka Ritre Lyngdoh katwa yei naam Mr. Sein Raij Mukhla da rah da u Callten Sari.
Discussion about this post