Ka Seiñ Kur Suting Welfare Organisation haka 26-02-22 deiwa ya krehlang waka Nehru Yuva Kendra Sangathan, Jowai wei deiwa embynta lang waka CSC e-Governance Service Ltd India da pynman ki ya ka yalang hajrong ka Atmanirbar Bharat kawa man ka thong krehkaam wa da wanrah da u PM Narendra Modi yow man ka ri kawa ye u yieñ hei kjat yong ka hi.
Ya ka yalang da pynlai da u Chairman yong ka Seiñ Kur Suting wei da yoh yei klam pdiang sñiawbha na u Ninderson Suting.
Da emlang ha kani ka sngi nadooh u Assistant Waheh Chnong ka Mookyndur, u Waheh Chnong warim ka Mookyndur wa kiwi de.
Ki bru chemphang ha kani ka yalang toh ka Ameecia Pariat, District Manager CSC e-Governance Service Ltd India kawa da batai ya ki laad yarap neibynta ki khynroo ki wym em kaam em jaam, kamjooh ki laad yarap ya ki bru wa da heh wa ki tymmen.
Da yoh leh ya ka pynsñiawthooh chaphang ka HIV/AIDS naka Dayoomika Laloo, Principal ka Mookyndur Secondary School.
Ka Seiñ Kur Suting da e khublei ko yaka yung krehkaam ka Nehru Yuva Kendra Sangathan, Jowai wada yarap ko u pynman ya kani ka yalang kawa e myntoi yaki khynroo wot ya kiwa chong chnong waroh kawi.
