Ka Seiñ Manbei Parish Mawkyndeng hadien kamwa ar snem da yoh biang ko wow pynman ya ka Seminar kawa jooh pynman ha ka tayaaw wa khaddooh yong u Naiynñiaw.
Ha uni u snem da pynman ya kani ka Seminar ha ka 23 wa 24 tarik uni u bnai ha chnong Mulieh kawa hap hapoh ka Parish Mawkyndeng.
Ha kani ka Seminar da em palat 300 ngut ki manbei kiwa da wan chimbynta hapoh i yahkhmat ka Poinima Suchiang wa ka Secretary ka Trinity Saioo rynkat ki Adviser kam ka Isabella Pakma wa ka Maria Chympa.
Kiwa da e ya ki kyntien batai pynsñiawthooh ha kani ka Seminar kynthup ki ya ka Sr. Mebel Dhar wa u Rev. Fr. Silvester Synrem hajrong ka phang “Bha i yung chong i ha ka Bei”.
Kam chibynta yong kani ka Seminar da pynman leh ya ka Variety Show ha yung Dorbar ka Mulieh heiwa da wan sakhi ya ka da u MLA ka Raliang, u Comingone Ymbon.
Ha ka 24 tarik won da pynman ya ka Mass Wakhooid da u Fr. Silvester Synrem heiwa da synraanlang da u Fr. Donbor Kurkalang.
