Ka Seiñkur Soowyrnai Ialong wa kynthup yaka kur Mulieh, Lhuid, War (Ialong), Jat ynne ka sngi da pynman ko yei yachemlang ha Lutituber Community Hall Ialong, West Jaiñtia Hills District kam chibynta wow yoh i ya tipmit para kur kamjooh i sneiñ i kyntu na ki waheh wa sian ka kur.
Haka yalang wa pynlai da u Mekirot Mulieh da yoh i ngooh Blai na u Khaiñ War (Ialong) wa i pdiang burom naka Meetaroy Lhuid.
U Bormi Mulieh hawa pynsñiaw u yei lai luti ka Seiñkur Soowyrnai wa ki phang krehkaam yong ka, pynsñiaw haroh u yei kmen wa ka Seiñkur da yoh ko kam kani ka laad wa khroo u yachem wa hanla man ka sien nynkong leh deiwa ong leh wa i ye ki kur u wan cha kani ka yalang man i iwa yoo chongkun.
Neiliang u Kmen Lhuid da klam u hajrong ka phang wa kam ka kur wym hoi u em itæ i sñaw yaphær niam næ leh Politics.
U Masan War (Ialong) da pynsñiaw u hajrong kammon u pynlang pynbi ya ki khon ka kur ha Ialong kamjooh kiwa em cha baar.
Neitæ kini ki waheh yong ka kur da sneiñ da kyntu haroh ki ya ki khon ka kur wow em ki itæ i ya maya khnang yow ye u pynku ya ki khon ka kur ha ki liang waroh, dei wym hoi u em i sñiaw yaphær ñiam, yaphær Politics, i sñiaw yaphær hapyrdi kiwa dooh wa kiwa mahajon næ kiwon kiwon ki bynta wa ktah, tangwa u thooh ya ki laad ki luti wa kammon u wanrah i yatylli ya sñiawthooh yumut.
Kiwi won wa e yei klam kynthup ya u Chilborn Lhuid, u Moonlight Mulieh, Nishwa Lhuid katwa yei kyntien e khublei da e da ka Linda Mulieh.
