Ynne ka sngi kam chibynta i pynemwarom yaka tayaw wa kyrpang ka rymaw namo ka Environment Week 2022, ka School Managing Committee ka Seinraij Higher Secondary School Jowai da pynman ko ya ka thung dieñ ha Mooliksoo, Jowai.
Hachwa wow sdang kani ka thung dieñ, da em chwa ya ka yalang wa tbian heiwa da pynlai da u Chairman ka SMC, u H. Toi, da yoh leh i klam na u O.R. Challam, President Seiñraij Jowai wa na u S.K. Lato uwa chong chnong ka Jowai uwa da ban khia wa i em i du kawi donhi ka pyrthai wei emkaam wow pynyirngam chooh chooh ka da ki dieñ ki siej, u yada ya ki um ki wah, u pynroi pynsboh ya i khyndaw i chyiap neibynta i myntoi yong i katni waka mynried hadien.
Da kyntu u wow bood nongmuna ki warim kiwa da ri da sumaar, da pynkynktang wei mane ki ya ki Khloo Blai, Khloo Langdoh.
Yei kyntien khublei da e da u G.H. Bareh, Secretary SMC Seinraij Jowai wei da emlang leh u E.M.H Passah, DAO ka West Jaiñta Hills, u General Secretary ka Seiñraij Jowai, u Pa Dolloi, u Pator, ki wasan, ka D. Bareh kam ka Principal yong ka skur kamjooh kiwa sikai deilang wa ki khynnah skur.
Ha kani ka sngi da thung kamwa 210 tylli ki dieñ.
