Jowai: Ka Social & Economic Life Development (SELD) Committee ka Mowkaiaw Presbytery deilang wa ka Meghalaya AIDS Control Society, na Shillong da pynman ki ya ka pynsñiawthooh paidbah namo ka Awareness Program ha kani ka 22 tarik hajrong ka phang “I ktah i kjut HIV-AIDS”.
Ya kani ka pynsñiawthooh paidbah da pynman ha EAC Hall Sahsniang ‘A’ wei da pynlai yaka yalang da Rev. Laloo u chongknor ka SELD Committee heiwa da ptieñ leh dei klam wa tbian na u Moderator ka Mowkaiaw Presbytery u Tbn. W.P. Talang chaphang i krehkaam ka SELD kamjooh i thmu wow pynman ya kam kani ka Awareness Program.
Da yoh leh ya i batai wa bniah na u A. Lanong yei i poor kani ka kjut HIV-AIDS wa i ma kani ka kjut deiwa kyntu ya ki khynnah skur kani ka chnong kamjooh ya kiwa chong chnong wow man ki kiwa husiar na kani ka jait kjut.
Ha chwa wow kut kani ka yalang da yoh yei ktien khublei wa i kyrkhu kyrdoh na u Rev. H. Lyngdoh wei da yoh ya i ngooh Blai na u Rev. B D Shangdiar.
Kani ka khubor toh na u Rev. H Lyngdoh u Secretary SELD Committee ka Mowkaiaw Presbytery.
Discussion about this post