Kam chibynta wow pynsah kynmoo ya u Khulu Malang uwa man kam uwa seiñ ya ka niam Khristan hapoh ka Sutnga Presbytery, neiliang ka Socio Economic Life Development (SELD) ka Jingiaseng Samla Sutnga District da pynman ko ya ki yalehke kiwa neibynta ki chynrang wa kynthai kiwa boon jait ynnin ka sngi.
Ha ka yalehbol ki chynrang, ka Jingiaseng Samla Balang Sutnga da jop ko ya ka Jingiaseng Samla Balang Moopala da 1-0.
Ha ka yalehke yong ki kynthai won, ka Jingiaseng Samla Balang Sutnga da yachem ko yaka Jingiaseng Samla Balang Sakhain heiwa ka Balang Sutnga da jop ko lyngba ka yachut Tie-Breaker da 3-2.
Ha ka yataan tylle (Tug of War), ka Jingiaseng Samla Balang Wailong da jop ko yaka Jingiaseng Samla Balang Sutnga.
Da em leh kiwi ki yalehke kam ka 100m Race, Relay Race, Sack Race wa kiwi kiwi de ki yalehke wei da wan wow sakhi lang da ki Pastor, Tymmen Wasan, Waheh Balang, ki manbei manpa wa ki khon khynroo khyllood yong ka District.
U kongsan ha kani ka sngi toh u Tbn. C.S. Roy Nongtdu wei u symbood kongsan toh u Dame Dkhar.
Discussion about this post