Pynman ka Shangpung College ya ka Workshop hajrong ki kyndon yoh tipmit na ka NAAC

Ka Shangpung College da pynman ko ya ka One Day Regional Workshop ha ka 18 tarik uni u bnai hapoh ka College hajrong ka phang ‘New Reforms System by NAAC 2024 on Accreditation of Colleges’ wa da pynlai da ka Internal Quality Assurance Cell (IQAC) yong ka College.

U kongsan ha kani ka Workshop man u, u B. Niang, Block Development Officer, Laskein, C&RD Block katwa u Resource Person toh u Dr. S.R. Lyndem, RUSA NAAC Consultant, Meghalaya. Ka Chairperson wa da pynlai ya kani ka yalang toh ka D.E. Rymbai, IQAC Coordinator.

Ha kani ka Workshop da yoh ya ki ktien pdiang burom na u Principal ka College, u Dr. D.G. Lyngdoh heiwa u Dr. S.R. Lyndem da pynche u ya ki mat kiwa emkaam heiyatoh wa ka rukom pynkrehkaam ka NAAC kamjooh ki kyndon wa tipmit ko ya ki College.

Related posts

Lyngkdang kylla ka kari wa pynhær bha kawa lai na rood ki khynnah wa lai leh niam

January 13, 2026

Pynbna u Trump da ka dan wa 25% pyrchah ya kiwa khayi wa ka Iran

January 13, 2026

Ki College kiwa chimbynta ha kani ka Workshop toh ka Thomas Jones Synod College, ka Amwi College, ka Ummulong College, ka Jaiñtia Ri War College, ka Jaintia Eastern College, ka Nongtalang College wa kiwa sikai yong ka Shangpung College.

Da yoh i klam pynkut na ka Vice Principal ka College, ka Dr. D. Rymbai, kawa da e khublei ya waroh kiwa ya chimbynta.