Jowai: I lai skur ym kut i du hei puræ kot, man ko leh ka laad wow yoh ki khynnah u pynyoo pyntaw sap, kamtæ hajrong kani ka thong ka School Managing Committee yong ka Dorbar Chnong Chiliangraij ha kani ka tayaw nadooh sngi Musiang 23 tarik hadooh sngi Hat 27 tarik u Naikhynde 2019 da pynman ko ya ka School Week ha Yungwalieh.
Ha kani ka School Week da sakhi wa ki khynnah skur hei yahkhmat kiwa sikai yong ki Group waphær waphær da chimbynta chongchit ki wow pynyoo pyntaw sap ha ki yakob kiwa kynthup ya ka yakob dro dur, chaad, rwai, Quiz, Fancy Dress wa kiwi kiwi kiwa man chibynta wow riñ yei pyrkhat pyrdaiñ ki khynnah.
Ya ka yalang pynkut yong kani ka School Week da pynman ha ka sngi Hat 27 tarik Naikhynde hei pynlai ka M. Nikhla, Asst. Teacher Chilliangraij Govt. LPS wei da saam leh ya ki Prize cha ki wa jop ha ki yakob waphær waphær.
Discussion about this post