Ka yalang pynsñiawthooh paidbah hajrong ka aiñ Maintenance & Welfare of Parents & Senior Citizens Act 2007 kawa man ka aiñ neibynta i sumaar sukhær, i kyrchaan wei yarap ya ki bei ki pa, da pynman da ka District Social Welfare Officer, Khliehriat ha ka 9 wa 10 tarik uni u bnai ha DC Office Training Hall wa ha Latyrke Community Hall, Saipung Block deiwa emlang u R. Pyrtuh, BDO, Saipung Block, ka E. Nongtdu, Advocate, DLSA, u R. War, Advocate, DLSA, ka R. Passah, District Social Welfare Officer, u N. Bareh, Assistant Professor, Jaiñtia Eastern College, ka L. Kyndiah, Counsellor waka Y. Kyndait, Police Facilitation Officer.
Neiliang u R. War, Advocate da klam u hajrong ka aiñ Maintenance & Welfare of Parents & Senior Citizens Act 2007, wei da khana bniah u hajrong kani ka aiñ deiwa ong wa hachwa wow em kani ka aiñ, da chong ko du hei sñiaw yong ki bru wei i tip u pyrtkhat yei emkaam kiwa da tymmen tangwa deiwa em kani ka aiñ katni, kiwa da tymmen da em ya ki ki kyndon wow yoh kyrchaan, yoh yarap yow yoh yei chait i khiah wa i chngaaiñ i rukom im.
Neiliang u R. Pyrtuh, BDO, Saipung Block da klam u yei kaamram ka chnong ka thaw, ka imlang sahlang wow burom ya kiwa da heh rta.
Ka R. Passah, DSWO da klam ko ya kiwa boon ki Scheme kiwa em hapoh ka District Social Welfare Office, Khliehriat wei heiyatoh wa ini da khut ko wow wan chakhmat yow yoh myntoi na kini ki Scheme.
Ya kam kani ka jooh ka pynsñiawthooh paidbah da dep wow pynman ha ka 15 wa 20 tarik u Naikhynde ha chnong Bamkhosngi, Daistong, Lumthari, Lumchyrngan, Moolasngi, Natbor wa Borkhat.
