Ka chnat Water Resources ka sorkar Meghalaya da khut ko ya kiwa kwah u chimbynta haka yakob wa da pynman ko kawa tip kam ka PSA Video Contest hajrong ka phang wow pynneh pynsah ya ki um ki wah kam chibynta ka International Water Conclave 2024 kawa daw pynman ha Shillong.
Kani ka PSA (Public Service Announcement) toh hei dur ki Video wa tbian ki wow pynemkaam kam wow e Wyrta cha ki paidbah yei emkaam wow sñiawthooh ki wow yada wei wow pynneh pynsah ya ki um ki wah, wei ye u chna ya kini ki Video hei dur ki parom kamjooh ki kaam wa da leh da kiwon kiwon yow sumaar ya ki um.
Kiwa kwah u chimbynta toh u man ki kiwa chong chnong ka ri India wei ye leh wow man ki bru samen, ki seiñ, ki thaw puræ wa kiwi de, wei da chah leh wow e 3 tylli ki Video.
Kini ki Video toh u man ki kiwa da chna hadien u Duyatra (Jan), 2020.
Ka yakob da yabhah ha ki le bynta kitæ ka National Category kawa man neibynta waroh ki jylla wa ki Union Territory ka ri India, neitæ ka Regional Category kawa neibynta kiwa chong chnong ki jylla ka thaaiñ North East wa kynthup yaka Arunachal Pradesh, Assam, Manipur, Meghalaya, Mizoram, Nagaland, Sikkim wa Tripura. Kawi won toh ka State Category kawa du neibynta kiwa chong chnong ka jylla Meghalaya.
Ya kini ki Video ye leh wow riñ da ki Mobile Phone wei ymtoh u duna ki 30 Second wei ymtoh u jrong ki palat 3 minit wei i ktien wa pynemkaam ye u man dei English næ kiwon kiwon ki ktien wa pynemkaam hapoh India.
Kiwa yoh nyngkong ha waroh 3 tylli ki Category u yoh ki mar Rs. 50,000 wei ka song poisa ya waroh kiwa jop dapoi ko palat Rs. 3,30,000.
Ka tarik wa khaddooh u pynpoi ya ki Video toh haka 30-01-24 wei yow tip bniah ye phi u lai ha kani ka Website https://www.iwccontest.com/.
Discussion about this post