Ka e sikai dro dur namo ka Workshop on Fine Art da pynman ynnin ka 21 tarik ha Thomas Jones Synod College, Jowai deiwa krehlang ka English Department ka College waka yung krehkaam u Deputy Commissioner ka West Jaiñtia Hills District.
Ha kani ka Workshop da wan wow chimbynta da kiwa boon ki khynnah na ki 9 tylli ki skur wa em cha chnong Jowai.
Ya ini i e sikai da pynyoo ya kiwa boon ki jait buit wow pynpliah yei rukom dro dur da u Herman Kupar Nongpluh wa u Carlos Andy Dkhar wei ki jait dro dur wa da sikai toh kammon wow dro dur bru, ki loom ki wah wa kiwi de kiwa em ha soodong wa em u bru.
Kani da man ko leh ka sien wa nyngkong wa da pynman kam kani iwa da yarap bha ya ki khynnah wa em yei sap wow sñiawthooh ki kammon u dro, kammon wow pynyoo yei jan yei jngai, i doom i che wei kammon wow e rong heiwa ki khynnah wa da wan chimbynta da pynsñiaw ki yei sñiaw kmen yeiwa da yoh buit ki na kani ka Seminar.
Chawa wow sdang ini, da wan wai ya kani ka Seminar da u F. S. Basan, Additional Deputy Commissioner, West Jaintia Hills District kam u kongsan uwa da e leh ya ki kyntien e mynsien ya ki khynnah deiwa kyntu ya ki wow pynemkaam yei sap ki ha kam kini ki por wa katni wa em boon i eh i khor.
Neiliang u Principal ka College leh u, Dr. D.G. Lyngdoh da e u ya ki kyntien pynchlur hawa e u yei klam.
Discussion about this post