Ka Internal Quality Assurance Cell (IQAC) ka Thomas Jones Synod College, Jowai ynnin ka 29 tarik da pynman ko ya ka Regional Seminar hajrong ka phang ‘Waste Management in Jaintia Hills’ yow ya phyllu kammon wow leh yei jhep wa mih napoh ka Ri-loom Jaiñtia wei da wan wow emlang da ki Principal, kiwa sikai skur kamjooh ki College ka East wa West Jaiñtia Hills, ki Waheh Chnong ka Jowai wa kiwi sikai ka College.
Ya ka Seminar da pynlai da ka L. E. Langstang, IQAC Coordinator wei da yoh leh yei klam wa tbian na u Dr. D.G. Lyngdoh, u Principal ka College. U Tbn. B. N. Lamare uwa man leh u dkhot ka Governing Body ka Thomas Jones Synod College da wan u kam u kongsan heiwa da yoh ya i klam wai phang na u Dr. H. H. Mohrmen hajrong ka phang yong kani ka Seminar.
Kiwa da wan wow pynsñiaw yeiwa chem ki da klam ki nadooh i rukom pynlang yei jhep, i rukom bhah yei jhep, i maa wa yang nei jhep wa da ieh khlem pynlang kamjooh ki kjut wa mih nei jhep wa khlem da leh iyi kamjooh leh lada thang yei jhep.
Da yaklam leh ya ki jhep wa pynmih na ki karkhana kiwa rap maa chooh chooh ya u bru kamjooh ki mrad. Wei i jhep toh iwa pynsih dur ya ka chnong ka thaw wei da man i kitkhlieh yong waroh wow ya krehlang yow lait na ini i chitom wa da maad katni.
Kiwa da wan wow pynsñiaw yei chem ki da klam ki hajrong kiwa boon ki kaam wa yatoh wa i jhep wa kyntup ya ka Wa-i-sa Sumer, Assistant Lecturer, Political Science, Govt. Girl’s Higher Secondary School, Jowai waka Research Scholar William Carey University, Shillong kawa da klam hajrong ka phang: Waste Management in Jaintia Hills.
U Treemmi Lamare, Ph.D Scholar, Department of Political Science, NEHU, Shillong, Visiting Faculty Ches’ Star Higher Secondary School, Jowai, ICFAI University, Shillong & Kiang Nangbah Govt College, Jowai uwa da klam hajrong ka phang: Geo-Politics of Waste: A Short Survey of Jowai Town.
Ka Anisha Bakor Rymbui, Assistant Professor, Department of Environmental Studies, Ri War Jaintia College, Amlarem da klam ko hajrong ka phang: Waste Management in Jaintia Hills District.
Ka Kimberly Camelia S. Langstieh wa u Kular Skhem Mukhim, Research Scholars, Department of Tourism and Hotel Management, NEHU, Shillong da klam ki hajrong ka phang: Waste Management in Jaintia Hills District.
Ka Sniawbhalang Dkhar, Assistant Professor, Department of Environmental Studies, Thomas Jones Synod College, Jowai wa u Achiles Rupert Pariat, Asst. Lecturer in Environmental Studies, Thomas Jones Synod College Jowai da khana ki yeiwa chem ki kawa da e pyrtuid ki: An investigation on the impacts of Improper Solid Waste Management on the Environment in particular to the Shopkeepers and Vendors. A Case Study of Iawmusiang market, Jowai. (Joint Paper).
Ya kiwa da chibynta da e lang wa ki Certificate wei da pynwai ya ka yalang da ki kyntien khublei naka C. Bapui, Organising Secretary, Regional Seminar Committee.
